background img
banner
Dek 26, 2019
27 Views
0 0

“Fövqəladə hallar uşaqların gözü ilə”

Written by
banner

Dekabrın 26-da Fövqəladə Hallar Nazirliyinin (FHN) Akademiyasında FHN-in, Təhsil Nazirliyinin birgə təşkilatçılığı və FHN işçilərinin Həmkarlar İttifaqının dəstəyi ilə “Fövqəladə hallar uşaqların gözü ilə” mövzusunda məktəblilər arasında keçirilmiş IX respublika uşaq yaradıcılıq müsabiqəsi çərçivəsində sərginin açılışı və qaliblərin mükafatlandırılması mərasimi olub.

Yeni.az Arx.az-a istinadən xəbər verir ki, tədbirdə Fövqəladə Hallar nazirinin müavini, tibb xidməti general-leytenantı Faiq Tağızadə, Gənclər və İdman nazirinin müavini İsmayıl İsmayılov, Təhsil nazirinin müavini İdris İsayev, FHN-in müvafiq strukturlarının rəhbərləri, KİV-lərin və ictimaiyyətin nümayəndələri, valideynlər iştirak ediblər.

Tədbir iştirakçıları əvvəlcə müsabiqəyə qatılmış məktəblilərin əl işlərindən ibarət sərgi ilə tanış olublar.

Bildirilib ki, sentyabrın 27-də start verilən müsabiqənin məqsədi ictimaiyyətin diqqətinin fövqəladə hallarla bağlı problemlərə yönəldilməsi, məktəblilərə təhlükəsiz həyat fəaliyyətinin və mədəniyyətinin aşılanması, onların vətənpərvərlik ruhunda yetişdirilmələri, istedadlı uşaqların üzə çıxarılması və onlara dəstək verilməsi olub.

Ölkənin bütün şəhər və rayonlarının ümumtəhsil məktəblərinin iştirak etdikləri respublika uşaq yaradıcılıq müsabiqəsi rəsm, plakat, əl işi, yanğın və qəza-xilasetmə texnikasının modeli, yumşaq oyuncaq nominasiyalarında məktəb, rayon və ümumrespublika birinciliyi mərhələləri üzrə keçirilib. Rayon və şəhər müsabiqələrinin yekunları üzrə təşkilat komitəsinə 518 rəsm, 210 plakat, 236 əl işi, 205 yanğın və qəza-xilasetmə texnikası modeli və 139 yumşaq oyuncaq təqdim olunub.

İşlər FHN, Təhsil Nazirliyi, Rəssamlar İttifaqı, Bəstəkarlar İttifaqı, Yazıçılar Birliyi və Rəssamlıq Akademiyasının nümayəndələrindən ibarət münsiflər heyəti tərəfindən qiymətləndirilib və qaliblər müəyyənləşdirilib. Birinci yerə 31, ikinci yerə 37, üçüncü yerə 47 nəfər layiq görülüb. Həmçinin 52 nəfərə həvəsləndirici diplomlar təqdim edilib.

Sonra müsabiqənin qalibləri mükafatlandırılıb, onlara fəxri fərmanlar və qiymətli hədiyyələr təqdim olunub.

Mükafatları Fövqəladə Hallar nazirinin müavini, tibb xidməti general-leytenantı Faiq Tağızadə, Gənclər və İdman nazirinin müavini İsmayıl İsmayılov, Təhsil nazirinin müavini İdris İsayev və digərləri təqdim ediblər.

İdris İsayev jurnalistlərə müsahibəsində bildirib ki, Fövqəladə Hallar Nazirliyi ilə Təhsil Nazirliyi arasında 2010-cu ildə imzalanan razılaşmaya əsasən, 2011-ci ildən hər il “Fövqəladə hallar uşaqların gözü ilə” müsabiqəsi keçirilir. Bu yarışda ümumtəhsil məktəblərinin, o cümlədən də internat tipli məktəblərin şagirdləri iştirak edirlər.

Müsabiqədə iştirak edənlər arasında qaliblər FHN-in, Təhsil Nazirliyinin, Rəssamlıq Akademiyasının, Rəssamlar İttifaqının və Bəstəkarlar İttifaqının nümayəndələrindən ibarət münsiflər heyəti tərəfindən 5 nominasiya üzrə müəyyənləşdirilir. Bu il 167 şagird müsabiqənin qalibi olub.

Nazir müavininin sözlərinə görə, bu müsabiqənin keçirilməsində əsas məqsəd uşaqların fövqəladə hallar və belə hadisələr zamanı davranış qaydaları barədə erkən yaşlardan məlumatlı olmaları, istedadlı uşaqların üzə çıxarılmasıdır. Belə müsabiqələrin keçirilməsi uşaqlarda bu biliklərin daha da artırılmasına imkan verir və onların gələcək inkişaflarına müsbət təsir göstərir.

Article Categories:
Ölkə
banner

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir